Asia Cup Main Shandaar Mauqa

Dubai : Asia Cup mein shareek teamon aur playerz ko ranking mein behtari ka mauqa hai. Asia Cup  mein achi performance ki badolat teamain aur playerz dono hi apni ranking positions bana sakty hain.Event mein shareek teamon mein top rank is waqt India 121 points ke sath England se neechay dosray number pr mojod hai. Pakistan 104 points le kar 5th position sanbhale hue hai, agar green shirts asiayi humsaayon ko maat day kar title jeetay to phir un ki ranking position bhi behtar hojaye gi. Batsman ranking mein is waqt number one position 911 points ke sath virat kohli ke paas hai taham unhein Asia Cup mein hind nay aaraaam day diya, jis se dosray number par 825 points ke sath mojood Babar Azam ke paas achi karkardagi ki badolat top par jaaane ka mauqa hoga. Qaumi team ke opener Fakhr Zaman bhi dhuwan daar batting ke johar dikha kar apni 16 win position ko behtar bana satke hain. Bowlerz mein Hassan Ali fil haal teesray number par hain, un se agay Afghanistan ke Rashid Khan aur top par hindustani Jaspareetbumra mojood hain, unhein taraqqi panay ke liye isi event mein shareek un bowlers se bharpoor muqaabla karna hoga. Allrounder mein bhi dosray number par agarchay Mohammad Hafeez mojood hain taham woh asia cup ke liye green shirts ka hissa nahi ban sakay. Pakistani captain Sarfraz Ahmed nay kaha ke ranking mein behtari ke liye yeh event kaafi ahem hai .