England Cricket Team Ke Maaya Naaz All Rounder

London : England cricket team ke maaya naaz all rounder Moueen Ali ne inkishaaf kya hai ke un ke waalid ne inhen cricketer bananay ke liye bohat mehnat ki aur akhrajaat poooray karne ke liye sarkoon par pheri lagatay rahay. unhon ne apni gaari mein shop bana rakhi thi aur isi aamdani se mujhe ghar mein bowling machine laga kar di taakay main cricket ki bhar poor practice kar sakun. unhon ne bataya ke un k waalid Meer poor Azad Kashmir ke rehney walay aur khittay k riwayati waalid ki terhan hain. Waaild ki shaadi bar e sagheer ki riwayet k mutabiq walidain ki marzi se hui, 1979 mein jab mere waalid 24 saal ke thay to woh –apne judwaa bhai ke sath Pakistan gaye. waalid k Pakistan pounchanay par meri daadi ne dono ki shadi ke liye  ‪2 sisters ko pasand kia. waalid ne shaadi se qabal walida ko dekha taq nahi tha. Moueen Ali ne yeh bhi bataya ke shaadi ke 3 mah baad waalid Birmingham aa gaye thay jab k walida 1980 mein Bartania ayen .