Pakistan 1st Match 8 Wickets Se Jeet Gya

Dubai: Asia cup main Pakistan ney 1^st match easily 8 wickets se win kia. 1^st time Asia Cup main shaamil honey wali Hong KONG ki all team 37.1 Overs main 116 runs bana  kr out hogai thi. Hong Kong k liye ye honour  hai k Asia cup k liye 6 qualifying teams main se Hong Kong ko Asia cup khelney ka chance mila hai.Hong Kong ne qualifying round k Final main Asia Cup k maizbaan country U.A.E ki team ko beat kia tha.Hong kong K Captain Anusheh Rath ne Toss jeet kr 1^st betting ka decision lia . Starting 5 players 44 runs per hi pavilion lot gaye. Opner Nazakat khan 13 and Anusheh rath ne 19 run score kiye. Baber Hayaat 7 runs bana kr Shadaab khan k shikaar baney.7 players double figure tk  nahi pohnch  sakey.Decided 50 Overs k is match main 3 players duck per out hue Ked Shah ne 26 runs score kiye . Aizaz khan ko 27 runs per Usman Khan ne clean bold kia.Pakistani Bowlers ne 4 wide k ilawa koi fazil score  nahi krne dia. Usman khan ne 19 runs de kr 3 wickets hasil Karin.Usman Khan ko shandaar bowling krne pr  Man of the Match Awards dia gaya. Hasan Ali or Shadaab Khan ne 2, 2 or Faheem Ashraf ne 1 wicket lee jab k Mohammad Aamir na koi wicket haasil nahi ki.Easy target k husool k liye Fakhar Zamaan ne Imam ul Haq k saath mil kr Inning ka start lia . 41 ke majmoi score par Fakhar zamaan  24 runs bana kar Ehsaan Khan ki ball  par Wicket keeper ke hathon catch out hogaye. un ke baad Babar Azam wicket par aeye inhen one day career mein 2 hazaar runs mukammal karne ke liye 27 runs ki zaroorat thi jis ke liye unhon nay mohtaat andaaz mein khelna shuru kya aur Imam Ul Haq ke sath mil kar 33 runs score kiye aur 2 hazaar runs mukammal kar ke one day career mein aik aur sang mil uboor kya. Babar Azam ko bhi ahsaan Khan nay wicket keeper ke hathon catch out kara diya. Baber Azam  ke out honay ke baad shoaib malik craze par aeye to jeet ke liye 24 runs darkaar they. Imam Ul Haq half century ki janib gamzan they. Shoaib nay Imam ul Haq ka sath dete huey un ko batting ka ziyada chance diya. Pakistan nay 23.4 overs mein hadaf haasil karliya. Imam ul Haq nay 50 runs not out banaye, shoaib malik 9 runs par not out rahay .