Asia cup Mein Qaumi Team Ki Karkardagi Par Sabiq Cricketers Mayoosi Mein Doob Gaye

Rameez Raja ka kehna tha hai ke Pakistan team is se qabal itni be hosla nazar nahi aayi, ghaltion par ghalatiyan, phir ghalaiyan, agar un ki nishandahi ki jaye to hazaar pages darkaar hon ge .
Shahid afridi ne kaha ke Pakistan team ki karkardagi par mayoosi hui, tenu shobo mein jarhiyat ki kami nazar aayi, guzishta matches main umdah performance ki wajah se tawaquaat barh gayi theen, cricketers ko khail par mazeed conecntrarte aur practice ki zaroorat hai.

 Saqlain mushtaq ne kaha ke mickey Arthur team combination aur playing eleven ke hawalay se hi tazabzub ka shikaar hain, kya hum tajarbaat karte rahen ge, champions Trophy mein Azhar Ali aur Mohammad Hafeez mojood they, un ko one day Cricket mein ghair mozu qarar dedia gaya, Azhar Ali top Order ke behtareen batsman hain, champions trophy ke baad musalsal kamzor teamon kay khilaaf khailnay ka bhi nuqsaan huwa, mazboot sides ka muqaabla karte to achi tayari hoti .